Сербия ма 7 тисячи процивкаменцово ракети, потребне ище 13 тисячи

автор сен
854 Опатрене

СЕРБИЯ – Поля у Сербиї загрожени од потенциялних чкодох од каменцу, понеже у охрани од нєпогоди велї ствари нє ришени. Окрем нєдостатку процивкаменцових ракетох, проблем охрани од каменцу то и же постояци ракети нє подзелєни штрелячом, понеже з нїма нє подписани контракти. Ґу тому, велї радари маю вецей як 40 роки, цо ризик же би у каждей хвильки могли одказац, пише Бета.

Заменїк началнїка Сектора за позарядово ситуациї Министерства нукашнїх дїлох (МУП) Дьордє Бабич на схадзки скупштинского Одбору за польопривреду, лєсарство и водопривреду гварел же того року набавели 2 900 ракети, 3 100 остали од прешлого року, а за остаток ше остарали локални самоуправи. По його словох, за нормалне функционованє процивкаменцовей системи Сербиї потребни найменєй 20 тисячи ракети.

На териториї Войводини єст три радари новшей ґенерациї, од хторих прешлого року два були погубени. Зоз Републичного гидрометеоролоґийного заводу гваря же им прешлого року буджет зменшани за 27 одсто у одношеню на предходни роки, та було и бриґи зоз анґажованьом припатрачох.

ПОВЯЗАНИ ТЕКСТИ