БЕОҐРАД – Пре одход до иножемства и нєдобру популацийну политику, Сербия од 2000. року „страцела” коло милион людзох, виявела вчера подпредсидателька Влади Зорана Михайлович.
– Зоз Сербиї за остатнї 15 роки пошли коло 300 000 людзе, а у тим периодзе зме, пре мали прирост, рочнє трацели коло 30 000 людзох, цо значи же зме за тот час страцели коло милион людзох – гварела Михайловичова на отвераню конференциї з тему людски ресурси у диґиталним чаше.
Вона наглашела же у Сербиї 43 одсто нєзанятих – млади и поручела же треба цалком пременїц популацийну политику и образовну систему.