Сербия ускладзела статистику з европску систему

автор сен
827 Опатрене

БЕОҐРАД – По штирох рокох роботи на ускладзованю статистики з европску систему и стандардами, Сербиї конєчно буду доступнєйши средства з фондох Европскей униї – пренєсли вчера нашо аґенциї.

Проєкт облапял три компоненти: попис жительства, ґаздовствох и квартельох, попис польопривреди и попис привреди (структура розходох и природа правних особох и поднїмательох), а за ньго ЕУ дала 24 милиони еври.

Совитнїк у Делеґациї ЕУ у Сербиї Стефан Худолин гварел же тераз Сербия блїжей пенєжу з ЕУ, а визначел и же окончени пописи було вельке подняце, у хторим участвовали вецей як 50 000 пописоваче. Ґу тому, зазначени и вецей як 100 000 пребераня податкох и коло 8 000 апликациї за мобилни телефони.

Худолин поручел и же статистични податки основа за стратеґийне и розвойне планованє, а директорка Републичного секретарияту за явни политики Ясна Атанасиєвич же би Влада, при креированю явних политикох, требала вецей хасновац статистични податки хтори достати.

ПОВЯЗАНИ ТЕКСТИ