ШИД – На внєдзелю отриманей конференциї за новинарох у Општинским одборе Сербскей радикалней странки (СРС) анализовани стан у култури у шидскей општини, о чим бешедовали кандидат за одборнїка на лїстини СРС режисер Цветин Аничич и предсидатель ОО СРС Мирослав Нонкович.
Аничич визначел же Културно-образовнио центер Шид, у хторим є заняти 12 роки, муши промововац уметнїцки вредносци и же би у руководстве Центру мали буц културни дїяче.
Мирослав Нонкович бешедовал о нєвибудованим будинку Дому младежи, односно Музичней школи, чия вибудов почала ище под час власци Демократскей странки у шидскей општини, а нєдокончени є анї под час власци Сербскей напредней странки.
Нонкович гварел же кед радикалє на наступних виберанкох достаню довириє гражданох, превипитаю дзе и як трошени пенєж з дакедишнього Фонду за капитални укалданя АП Войводини, хтори финансовал спомнуту вибудов. Шид остал без дакедишнього будинку Дому младежи, а нови нєвибудовани.