СЕРБИЯ/ШВЕТ – Гражданє котри маю пасош Зєдинєних америцких державох, лєбо Велькей Британиї, на путованьох преходза найлєпше, понеже без визох можу войсц до 147 жемох швета, пише Бета. После тих двох, на другим месце найлєпше ранґираних пасошох Французка, Южна Корея и Нємецка, а после нїх шлїдза Италия и Шведска.
У ранґованю пасошох з цалого швета, сербски на 31. месце. З нашим пасошом без визи мож войсц до 104-ох державох. У реґионє лєпше од Сербиї ранґовани Горватска, Болгарска и Румуния, а горше Македония, Босна и Герцеґовина и Чарна Гора.
На остатнїм, 80. месце находза ше пасоши Палестини, Сао Томи и Принципи, Южного Судану и Миянмару, чийо гражданє без визох можу войсц до 28 державох.