РУСКИ КЕРЕСТУР – Вчера седемнац жени з Руского Керестура прияли Сертификат о законченей обуки о основох роботи на рахункару, хтора отримана концом прешлого року як часц проєкту за жени з кулскей општини.
Проєкт у шицких местох општини у новембру и децембру реализовала Општина Кула и єй Аґенция за розвой, вєдно зоз Заводом за ровноправносц полох.
Обука у Руским Керестуре отримана у Школи „Петро Кузмяк”, преподавала Оливера Миличевич, а як дознава Рутенпрес, на нєй було и найвецей нащивительки у цалей општини.