БЕОҐРАД – Союз самостойних синдикатох Сербиї (СССС) и Зєдинєни фаховни синдикати „Нєзависносц” до Социялно-економского совиту послали вимогу за звекшанє висини минималней цени роботи зоз 121 на 140 динари за роботну годзину. З тим би минимална плаца була 24 360 динари, сообщела Информативна служба СССС.
Як наводза синдикати, „минималєц” нє меняни полни три роки, а понеже по статистичних податкох и виявох найвисших державних функционерох од юния прешлого року предлужени позитивни тренди у росту БДП, продукцийносци и занятосци, а таки оцени и за тот рок – синдикати думаня же їх вимога оправдана.
И звекшани минимални заробок заш лєм будзе менши од „трошительней кошарки”, хтора у новембру прешлого року була 34 885 динари.