БЕОҐРАД – Гоч репрезентативни синдикати и Социялно-економски совит нашли компромисне ришенє и направени нови нарис закона о системи плацох у явним секторе у хторим ше находза предкладаня синдикатох о правох роботнїкох, министер финансийох Душан Вуйошевич нє прилапел вименки, пише Бета.
На конференциї за новинарох Союзу самостойних синдикатох Сербиї и Зєдинєних фаховних синдикатох „Нєзависносц” гварене же Министерство финансийох планує прилапиц закон хтори утаргнє право занятих на надополнєнє за прешлу роботу (минули рад). Ґу тому, поведзене же министер Вуйович инсистує и на тим же би ше под час хорованя, одпочивку, лєбо хаснованя шлєбодних дньох – зменшало основну плацу за 35 одсто.
Представителє синдикатох сообщели же су нєзадовольни зоз становиском министра и, кед будзе прилапени, закон о плацох з хторим ше зменшує права хтори им ґарантує Закон о роботи, годно обчековац протести и штрайки занятих у явним секторе.
Закон о плацох у явним секторе пририхтало Министерство державней управи и локалней самоуправи и наявело же би мал буц прилапени по конєц януара. Зоз Законом реґуловани платни класи, каталоґ роботних местох, а уводзи и єдинствени коефициєнт за цали явни сектор.