Синдикати за поцагованє закона о плацох

автор ртв/зам
714 Опатрене

БЕОҐРАД – На Нарис закона о плацох у державних службох и явних подприємствох,  синдикати у явней розправи уж винєсли оштри зауваги. Твердза же нови закон принєше подзелєня и нєєднакосц у плацох.

З Влади поручую же явна розправа тирва и же шицко мож пременїц, а буджет за 2016. рок заш лєм одредзи висину плацох, насампредз по розгваркох з ММФ-ом.

Тоти котри мали високи плаци, таки буду мац и надалєй, худобни и далєй буду худобни, а власц твори фалшиву слику же роби на правеню шора у плацох, гваря у Синдикату правосудства Сербиї. Зауважую же у Нарису нє облапени явни подприємства, аґенциї, Народна банка, функционере и вимагаю же би Влада Сербиї поцагла верзию закона о системи плацох у явним секторе.

З Кабинету подпредсидательки Влади Кори Удовички поручую же плаци за воєни особи и явни подприємства уж ушорени з принєшенима законами, а тераз треба ушориц плаци державних службенїкох.

Яки буду плаци, та чи буду звекшани, будзе познате после розгваркох з Мисию ММФ-у, хтори почали вчера. Представителє Влади и других институцийох з мисию ММФ-у бешедую о буджету за 2016. рок, о реформи явних подприємствох и евентуалним звекшаню плацох и пензийох.

ПОВЯЗАНИ ТЕКСТИ