Синдикат занятих у здравстве привитал одлуку Уставного суду

автор ртв/зам
716 Опатрене

БЕОҐРАД – Синдикат занятих у здравстве и социялней защити Сербиї пияток, 9. октобра подзековал Уставному суду же принєсол ришенє з хторим дочасово застановене запровадзованє законскей одредби котри ше одноши на пензионованє женох кед наполня 60 роки и шейсц мешаци.

Як пише у сообщеню, Синдикат 11. септембра поднєсол инициятиву за порушованє поступку за оценьованє уставносци одредбох Закона о способе одредзованя максималного числа занятих у явним секторе и ище кед бул у скупштинскей процедури, указовал же закон дискриминаторни, окреме у одношеню на заняти жени.

Одлуку Уставного суду привитали и дзепоєдни други синдикати и политични партиї.

ПОВЯЗАНИ ТЕКСТИ