Скоро каждодньово преподаваня за польопривреднїкох

автор маф
994 Опатрене

РУСКИ КЕРЕСТУР – Зоз жимскима фаховима едукациями за польопривреднїкох вчера почало и керестурскей подприємство „Аґрохома” д.о.о., хторе презентациї у Ресторанє „Червена ружа” орґанизує стредами, на 10 годзин, и буду тирвац по 18. фебруар.

На вчерайшей презентацию своїх продуктох отримали нашеньска хижа „КВС” и хемийни компаниї „Тимак аґро” и „Баєр”, а як на шицких преподаваньох, и на тей присуствовало вельке число парастох.

10-Prepod-02

Пред тим, 20. януара, тиж у Ресторанє „Червена ружа” отримане и перше преподаванє у орґанизациї керестурского Здруженя паприґарох „Капсикум анум”, на хторим представени „Савакоп” з Нового Саду, „Аґрофертикроп” зоз Суботици и „Хемикал – аґросава”.

Едукациї того здруженя пошвецени продукциї паприґи, а шлїдуюца будзе нєшка на 17 годзин у Ресторанє „Червена ружа”. Преподавац буду фаховци з „Аґроматка” з Нового Саду и професор Владан Маркович з новосадского Польопривредного факултету.

На ютре будзе предлужена и Жимска школа польопривреди у орґанизациї подприємства „Юарбис”, дзе на 10 г. у просторийох „Юарбису” на тот завод буду бешедовац представителє Польопривредней фаховей служби Вербас и подприємство „Аґромаркет” о защити рошлїнох у 2015. року.

Розпорядок и теми шицких преподаваньом мож опатриц на сайту „Руского слова”, у рубрики „Дзе цо будзе”.

ПОВЯЗАНИ ТЕКСТИ