НОВИ САД – Скупштина Войводини нєшка будзе розпатрац шейсц амандмани Покраїнскей влади на Предлог закона о вименкох и дополнєньох Закона о польопривредней жеми, хтори нєдавно прилапела Влада Сербиї.
Покраїнска влада процив предлогу спомнутого закона, понеже ше з нїм уводзи можлївосц предаваня державней польопривредней жеми и єй даванє под аренду на 30 роки, док у Войводини опозицийна Сербска напредна странка наявела же нє потрима дати амандмани, бо є думаня же їх предкладателє нє сцу меняц Закон, алє же слово о предвиберанковей кампанї.
Покраїнска влада ше наздава же векшина у войводянским парламенту, хтору попри посланїкох Демократскей странки творя и посланїки Лиґи социялдеморатох Войводини, котра тиж процив Предлогу закона, и Союзу войводянских Мадярох, нєшка прилапи предложени амандмани, хтори потим буду послати до Скупштини Сербиї.