Скупштина Войводини нєшка о буджету и снованю ВАНУК

автор зам
820 Опатрене

НОВИ САД – Скупштина Войводини на нєшкайшей 45. схадзки будзе розправяц о закончуюцим рахунку буджету АП Войводини за 2014. рок, зоз звитом о його витвореню, а на дньовим шоре схадзки и Предлог покраїнскей скупштинскей одлуки о снованю „Войводянскей академиї наукох, уметносцох и култури” (ВАНУК).

Пред посланїками и Предлог одлуки о програми розвою лєсарства АП Войводини и Акцийни план за його запровадзованє у наступних 10 рокох, вименки и дополнєня Одлуки о снованю Установи студентского стандарду „Европа” – Европа колеґиюм у Новим Садзе, як и Медзиреґионалне спорозуменє о медзиреґионалному здружованю териториялних самоуправох на подручу злїву Тиси.

Скупштина нєшка менує и представителя АПВ до Скупштини „Дневнику” а.д. за новинско-видавательну дїялносц у реструктурованю, як и дзепоєдни кадрово питаня вязани за розришенє и менованє чолних особох и членох совитох  и управних одборох установох хторим Покраїна снователь.

 

ПОВЯЗАНИ ТЕКСТИ