Скупштина потвердзела мандати дотерашнїм руководительом

автор влдї
1.2k Опатрене

ШИД – Вчера у Руским доме у Шидзе отримана Рочна скупштина Културно-просвитного дружтва (КПД) „Дюра Киш”, на хторей розпатрени и прилапени Финансийни и Звит о роботи Дружтва за прешли рок, як и звит Надпатраюцого одбору.

Скупштина вигласала и вименку Статута Дружтва, з хтору число членох Управного одбору (УО) з 11 зменшане на 9, а мандат членом УО предлужени з два на штири роки.

Тиж вигласане и же убудуце руководителя Уметнїцкого совиту место Скупштини будзе виберац УО КПД.

Скупштина була и Виберанкова, так же о. Владимир Еделински Миколка знова вибрани за предсидателя Скупштини, а на свойо функциї знова вибрани дотерашнї предсидатель КПД Златко Манько и подпредсидатель Мирон Джуджар.

Спомнути источашнє и чени Управного одбору Дружтва, до хторого вибрани Мирослав М. Цирба, Саня Тиркайло, Юлиян Ковач, Далибор Болдиш, Иван Павлович и Слободан Кодермац.

Вибрани и Надпатраюци добор – Владимир Торма за предсидателя, а за членох Мирослав Мохнацки и Андєлка Михняк.

3-KPD-02

ПОВЯЗАНИ ТЕКСТИ