КУЛА – Сербска напредна странка, односно лїстина „Александар Вучич-Сербия побдзує”, будзе мац найвецей – 19 мандати у новим зволаню Скупштини општини (СО) Кула, сообщела Општинска виберанкова комисия.
СО Кула ма 37 одборнїкох, а по штири мандати у новим зволаню буду мац лїстини Социялистичней партиї Сербиї (СПС), Демократскей странки (ДС) и Єдинственей Сербиї. По 2 мандати освоєли Союз войодянских Мадярох, Сербска радикална странка (СРС) и Русийска странка-Герцен Радонїч Кека.
Конєчни резултати виберанкох Општинска виберанкова комисия сообщела 6. мая, понеже у кулскей општини гласанє за локални парламент було повторене на двох виберацких местох, так же ше на єдним месце у Кули и єдним у Липару знова гласало 30. априла, односно 5. мая.