ВЕРБАС – У орґанизациї Польопривредней фаховей служби Вербас, Оддзелєня за польопривреду Општини Вербас и Институту за польодїлство и заградкарство Нови Сад, вчера у сали Скупштини општини Вербас отримане преподаванє о статкарстве и польодїлстве.
На преподаваню присуствовали велї польопривреднї продукователє, а о гибридох, сортох кукурици, сої, слунєчнїку, урожаю, способох продукциї и велїх других темох могли чуц од др Дюри Караґича и Снежани Катански з Институту, Владимира Репчека з Польопривредней служби Вербас, Лазара Чемерлича з компаниї „ИТН” и других фаховцох.
Присутних привитали помоцнїк предсидателя Општини Милан Милич, членїца Општинскей ради задлужена за польопривреду Ливиа Боґанч Андрияшевич, Синиша Яковлєв, спред Институту и Емилия Баяц спред Польопривредней фаховей служби, котри визначели же таки преподаваня єдна з формог помоци польопривредним продуковательом.