НОВИ САД – На схадзки Совиту одлучене же Роботне цело за младих будзе мац дзевец членох (предсидатель и осем члени), за предсидателя вибрани Иван Канюх (Нови Сад), а за членох Борис Фейди (Коцур), Соня Гудак (Нови Сад), Мелания Мали, Емилия Чизмар, Любомир Медєши (Коцур), Тамара Салаґ (Дюрдьов), Андрей Орос (Руски Керестур) и Далибор Болдиш (Шид).
Як и дотераз, Совит одлучел же би члени Роботного цела за спорт були особи хтори насампредз члени Управного одбору Спортских бавискох „Яша Баков”.
На чолє пейцчленого Роботного цела за науку будзе др Янко Рамач, шеф Оддзелєня за русинистику, а за членох вибрани др Дюра Гарди, др Алексей Кишюгас (Нови Сад), др Йоаким Стрибер (Беоґрад) и др Юлиян Тамаш (Вербас).
Кед слово о нових целох, за предсидательку Роботного цела за медзинародни одношеня и традицию вибрана Моника Гарди (Коцур), а будзе мац ище троїх членох. То Еуфемия Планкош (Руски Керестур), Владо Няради (Вербас) и Тарас Чапко (Дюрдьов). За предсидателя трочленого Роботного цела за нєрухомосци вибрани Йовґен Мудри (Нови Сад), Аня Делач (Нови Сад) и Марияна Колошняи (Вербас) як члени.
Роботне цело за проєкти, односно Проєктни биро будзе мац седем членох, а його предсидатель будзе Михайло Киш (Коцур). У членстве и Елемир Джуджар (Кула), Анита Ґовля, Єлена Перкович, Ясна Ковач, Соня Гудак (Нови Сад) и Ивана Дудаш (Руски Керестур).
Як вецейраз визначене на схадзки, шицки спомнути особи пристали буц члени одборох и роботних целох Националного совиту Руснацох.