БЕЧЕЙ/РУСКИ КЕРЕСТУР – На турнире „Трофей Бечею”, хтори отримани 29. октобра, рускокерестурска млада столнотенисерка София Ковач завжала високе треце место и достала бронзову медалю.
На турнире участвовали 20 найлєпши юниорки з цалей Сербиї, а змаганя були у двох фазох, дзе у першей, ґрупней, Ковачова завжала друге место у своєй ґрупи.
У другей фази турниру, дзе ше бавело на випадованє, София у полуфиналним змаганю страцела з 3:2 од бавячки зоз Сенти, з чим освоєла треце место.