Сочувствиє з гражданами Французкей

автор ртв/сен
799 Опатрене

БЕОҐРАД – Од соботи та по нєшка у Сербиї застави спущени на пол копиї, як знак сочувствия з гражданами Французкей, дзе пияток вечар, 13. новембра окончени вецей терористични напади у хторих 129 особи погинули, а велї покалїчени.

2-Socuvstvo-02

У Новим Садзе всоботу вечар будинок Покраїнскей влади (Бановини), Городска хижа и мост „Дуга“ були у фарбох застави Французкей. У тих фарбох були ошвицени и беоґрадски Мост на Ади, Палата Албания и памятнїк Побиднїк на твердинї.

2-Socuvstvo-03

Телеграми сочувствия державнїком и народу Французкей послали предсидатель Сербиї Томислав Николич и премиєр Александар Вучич, предсидатель Покраїнскей влади Боян Пайтич послал телеграму сочувствия Амбасади Французкей у Сербиї, а сочусвствиє всоботу и вчера виражели и гражданє з палєньом швичкох и кладзеньом квеца опрез Амбасади Французкей и на Памятнїк подзекованя Французкей у Беоґрадзе.

2-Socuvstvo-04

ПОВЯЗАНИ ТЕКСТИ