СО Кула нєшка о гашеню ЯП „Завод за вибудов Кула”

автор зам
968 Опатрене

КУЛА – Понеже 1. децембра з роботу престанє Явне подприємство „Завод за вибудов Кула”, нєшка будзе отримана схадзка Скупштини општини Кула на хторей будзе слова и о розпоредзованю 33-ох роботнїкох „Заводу” до явно-кумуналних подприємствох у кулскей општини. Вязано за тото, пред одборнїками предлоги о вименкох и дополнєньох Одлуки о максималним чишлє занятих на нєдодредзени час у системи локалней самоуправи, Одлуки о Општинскей управи, як и дополнєня одлукох о сновательних актох штирох ЯКП у местох општини.

Предлоги одлукох за нєшкайшу штварту схадзку СО Кула у тим зволаню, хтора почнє на 10 г., пияток, 4. новембра, принєсла Општинска рада Кула.

Плановане же роботу дотерашнього ЯП „Завод за вибудов Кула”, прейґ хторого розписовани явни набавки и ишла скоро шицка робота вязана за комунални и други роботи у местох општини, та и зоз самодоприносох, убудуце превежнє Оддзелєнє за инвестициї, защиту животного штредку и енерґетски менаджмент, чийо снованє предвидзене у вименєй Одлуки о Општинскей управи.

ПОВЯЗАНИ ТЕКСТИ