КУЛА – Главна точка ютрейшого зашеданя Скупштини општини (СО) Кула будзе приношенє ребалансу буджету за 2015. рок, а на дньовим шоре и други тоички вязани за финансиї Општини.
Одборнїки би мали прилапиц и ребаланс Плану и Програми дїлованя ЯП „Завод за вибудов” Кула, предлоги о локалних административних и такси за пребуванє, як и о доприносу за ушорйованє будовательней жеми.
На дньовим шоре и питаня вязани за Туристичну орґанизацию Општини Кула, та вименки Одлуки о снованю Спортского центру „Червинка”.
Ютрейша схадзка СО Кула будзе на 10 годзин.