НОВИ САД – На тарґовищу житаркох прешлого тижня зазначени обток 725 тони, цо за 28,22 одсто менєй у одношеню на тидзень пред тим, а финансийна вредносц роби була 13,175 милиони динари, сообщела Продуктна берза.
Рекордни количества жита и кукурици хтори пренєшени з прешлого року очежую дзвиганє цени.
На Продуктней берзи цена жита була 19,25 динари за килограм (17,50 без ПДВ), цо блїзко найнїзшей цени од жатви 2015. року. У одношеню на рок пред тим, цена хлєбового зарна менша за 18,60 одсто.
У одношеню на тидзень пред тим, кукурица туньша за 1,23 одсто, а штредня цена тарґованя була 17,44 динари за килограм (15,85 без ПДВ). Тижньове тарґованє заварте з цену 15,80 динари без ПДВ, пише у сообщеню Продуктней берзи.