РУСКИ КЕРЕСТУР – На 11. Русиновим балу отриманим всоботу, 12. януара у Ресторанє „Червена ружа” у Руским Керестуре, Срдян Дюканович з Кули преглашени за найлєпшого бавяча Фодбалского клубу „Русин” за 2018. рок.
На Балу були скоро 200 терашнї и бувши члени „Русину”, члени управи, навияче и други госци.
Петрик Еделински и Желько Паланчаї Панчо достали припознанє „Златни орех” – за найвецей часу препровадзеного „под орехом” на Ярашу, док у франтовлївим квизу „Кельо познаш ФК Русин” победзел Иґор Няради Ґойо.
Грал „Пицикато бенд”, а була орґанизована и богата томбола, хтору обезпечели велї спонзоре, як и орґанизаторе Балу, ФК „Русин”.