КУЛА – Општинска рада Кула на вчерайшей схадзки одобрела средства за дополнююце софинансованє програмох з обласци социялней защити дзецох и одроснутих з почежкосцами у розвою за час од 1. фебруара до конца того рока, а на основи розписаного конкурсу.
Конкурс бул розписани за 8 милиони 700 000 динари и цалосна сума унапрямена Здруженю за помоц ментално нєрозвитих особох „Белава птица” („Плава птица”) з Кули, хторе ше стара о особох з почежкосцами зоз шицких местох општини, та и ширше.
„Белавей птици” одобрени пенєж за програму дньового пребуваня за дзеци и одроснутих з почежкосцами, за превоз особох з инвалидитетом, за програму биваня з потримовку за одроснути особи з почежкосцами у розвою, як и за програму вчасного дефектолоґийного третману и дияґностику дзецох з почежкосцами у розвою.