ШИД – На основи препорукох Фаховей комисиї, Општинска рада Шид принєсла одлуку о розподзельованю средствох з општинского буджету за софинансованє проєктох з обласци явного информованя.
„Коперникус Радио Телевизия Шид” достала милион 498 000 динари, „Супер продукция” зоз Шиду достала три милиони 900 000 за проєкт „Шид на длану”, „Сримски новини” зоз Сримскей Митровици достали 925 000, „Срим Медиа МЦВ” тиж 925 000 динари, „Фабрика словох” за проєкт „Шидски приповедки” 200 000, а „Коперникус кабл нетворк” милион 552 000 динари.
Општинска рада з тей нагоди нє додзелєла средства дзевец проєктом хтори конкуровали на конкурс.