Сримска Митровица прицагує инвеститорох

автор днв/сен
1.1k Опатрене

СРИМСКА МИТРОВИЦА – Анґлийски часопис „ФДИ”, хтори часц медийней ґрупациї „Файненшл Таймс”, Сримскей Митровици додзелєл награду „Город будучносци за 2016/2017 рок” у катеґориї економского потенциялу городох, односно за цалосни резултат локалней управи у прицагованю инвеститорох.

То уж треци рок як Сримска Митровица достава припознаня од часопису „ФДИ”, алє того року прешла и до озбильнєйшей катеґориї. Додзельованє наградох було у Кану, дзе Сримску Митровицу представял началнїк Городскей управи за урбанизем, комунални и инспекцийни роботи Владимир Петкович.

– Спомедзи других општинох зме ше визначели зоз способом одношеня ґу инвеститором. Отворена и ефикасна управа дава инвеститорови цалосну потримовку – од придаваня писма о намирох, та по витворйованє инвестициї. Инвеститором вельо значи и наша учасц у повязованю и поштредованю з другима уровнями власци – гварел Петкович з нагоди приманя награди.

ПОВЯЗАНИ ТЕКСТИ