Стари леґитимациї важа до конца рока

автор сен
944 Опатрене

СЕРБИЯ – Министерство нукашнїх дїлох здогадує шицких котри ище вше маю паперово леґитимациї же по 31. децембер того року муша направиц нови, биометрийни карточки и поволує их же би то поробели цо скорей, же би ше нє правело гужви концом рока.

Леґитимацию ше видава на дзешец роки, а муша ю мац шицки гражданє од 16 роки старосци. Особи старши од 65 рокох маю право направиц тирвацу леґитимацию.

Окрем вимоги за правенє карточки треба придац и стару леґитимацию и доказ о уплацених надополнєньох за формулар леґитимациї и єй виробок, цо вєдно кошта 1 154 динари.

По нових одредбох Закона о общим управному поступку, гражданє вецей нє муша сами виберац кресцени писма и потвердзенє о державянстве, но кед сцу скрациц процедуру, можу то зробиц сами.

ПОВЯЗАНИ ТЕКСТИ