ЖАБЕЛЬ – После прешлотижньового прилапйованя буджету у Скупштини општини, предсидатель Општини Жабель з найлєпшима студентами и спортистами з местох општини подписал контракти о стипендованю.
Подписани 91 контракт за стипендию у академским 2014/15. року, так же 64 студенти буду доставац по седем, а 27 спортисти по три и пол тисячи динари мешачно.
Стипендисти вибрани на основи розписаного конкурсу, дзе условиє за студентох було же им штредня оцена понад 8,5, а за спортистох же маю посцигнути резултати по критериюмох Спортского союзу Општини.
З Дюрдьова стипендию достали и нашо студенти – Марча Хромиш, Уна Молнар, Иван Ґубаш, Леона Корпаш, Светлана Ґнип, Кристина Малїк, Олена Такач и Сладяна Дудаш.