Столнотенисере „Русину” госцовали у Свиднїку

автор яхо
1.1k Опатрене
СВИДНЇК (СЛОВАЦКА) – На поволанку городоначалнїка Свиднїку Яна Голодняка, початком того тижня столнотенисере „Русину” з Руского Керестура госцовали на Медзинародним турнире у Свиднїку, у Словацкей.
Турнир отримани од 25. по 27. децембер, а з Керестура на нїм участвовали София Ковач, Иван Чизмар и Стефан Горняк, з провадзеньом тренера Драґана Ковачевича. Одход столнотенисерох до Свиднїку орґанизовал и финансовал керестурски привреднїк Елемир Рац.
Бавело ше на випадованє, без старосних, лєбо других огранїченьох, а по словох Ковачевича, на турнире участвовали прейґ 100 столнотенисере, медзи нїма векшина професионалци. Змагателє „Русину”, у подмладзеним составе, змаганє закончели у першим колє, а до другого прешла лєм София Ковач.
После госцованя Керестурци визначели же були привитани як медзи своїма, а на початку турниру их окреме привитал и сам городоначалнїк Ян Голодняк.

ПОВЯЗАНИ ТЕКСТИ