РУСКИ КЕРЕСТУР – Столнотенисере Столнотениского клубу „Русин” зоз Руского Керестура у трох остатнїх колох посцигли три прешвечлїви побиди. У шицких колох бавела стандардна Русинова постава – Сабадош Матей, Сабадош Михайло и Горняк Стефан.
У 11. Колє, 12. Фебруара, Русиновци дома победзели екипу Бачка Паланка II зоз резултатом 4:1. У 12. колє Русин бул шлєбодни, док у 13. госцовал у Селeнчи дзе победзел домашню екипу зоз 4:1. Штернасте Коло Русин одбавел дома з екипу Милетич II зоз Сербского Милетичу зоз 4:0. Русиновци шицки змаганя достали и поєдинєчно и у дублох окрем же єден сет страцел Матей Сабадош у Селенчи, а Горняк Стефан процив Бачкей Паланки.
Русин тераз други на таблїчки, бо ма змаганє менєй од першого Оджаку, а шлїдуюце 15. коло ше бави 14. марца.
Шлїдуюцого викенду, 29. фебруара и 1. Марца, на Поєдинєчним першенстве Сербиї за кадетох у Новим Садзе, Русин буду представяц троме бавяче – Сабадош Матей, и двоме младши кадети Фейди Иґор и Колошняї Стефан. Зоз столнотенисарами и далєй роби тренер у задзекованю Драґан Ковачевич.