Стопа нєзанятосци у Сербиї 19 одсто

автор ртв/зам
1.1k Опатрене

БЕОҐРАД – Стопа нєзанятосци у Сербиї за жительство старосци 15 и вецей роки виноши 19 одсто, и то 18,5 одсто за хлопох и 19,6 одсто за жени, гваря податки з анкети о роботней моци хтору запровадзел Републични завод за статистику Сербиї.

Стопа нєзанятосци найвекша у беоґрадским реґионє – 20,5 одсто, потим у реґионох южней и восточней Сербиї – 20,2 одсто, а у Войводини виноши 19,2 одсто. Нєзанятосц менша у Шумадиї и у заходней Сербиї – 16,6 одсто.

У сообщеню з Републичного заводу за статистику наводзене же, у одношеню на прешли роки, стопа занятосци младих у першим кварталу 2016. року звекшана зоз 13,1 на 16,2 одсто, а стопа нєзанятосци у тим периодзе зменшана з 52,5 одсто на 44,2 одсто.

Анкета окончена на прикладзе 11 500 ґаздовствох, и одноши ше на перши квартал того рока.

ПОВЯЗАНИ ТЕКСТИ