РУСКИ КЕРЕСТУР – У рамикох означованя 10-рочнїци вибудови будинку рускокерестурского Каритасу всоботу, 12. новембра дополадня отримане стретнуце волонтерох Каритасу з парохийох Апостолского еґзархату за грекокатолїкох у Сербиї.
На стретнуцу участвовали волонтере з Нового Саду, Коцура, домашнї з Руского Керестура, як и представителє Каритасу Удинох з Италиї и Каритасу грекокатолїцкей парохиї у Кечкемету, з Мадярскей.
Шицких присутних привитал керестурски парох о. Михайло Малацко и наглашел же дзекуюци Каритасу можеме жиц християнство на конкретни способ.
Теми „Треци слуп Церкви” и „История Каритасу и терашньосц” волонтером викладали о. Малацко и директор Националного Каритасу Сербиї о. Владислав Варґа, а потим по ґрупох бешедовали о своїх активносцох и планох роботи.
