Беоґрадски архиепископ и предсидатель Каритасу Сербиї монс. Станислав Хочевар, директор Каритасу Сербиї о. Владислав Варґа и национални координатор Каритасу Сербиї Дарко Тот, 3. марца у Беоґрадзе нащивели нововибраного нунция (амбасадора Святого пристолу) у Републики Сербиї Лучияна Сурияния.
Представнїки Каритасу упознали монс. Сурияния з историю Каритасу у Сербиї од снованя по нєшка и обласцами на хторих є анґажовани, з окремним огляднуцом на розвой парохийних Каритасох.
Нунций Сурияни вецей раз наглашел же у роботи Каритасу нє треба же би були найважнєйши акциї з нагоди вельких кризних ситуацийох, кед шицки порихтани помогнуц, алє каждодньови мали добри дїла.
Вон визначел и же зме поволани на нове обраценє. Бо, кед зме спознали Боже милосердиє, вец то треба же би було видно у наших дїлох. Тиж гварел и же нам духовни и тїлесни дїла милосердия даваю вельку можлївосц твориц добри дїла, од даваня поживи гладним, до даваня правних совитох.
На концу, предложене ище єдно стретнуце зоз директорами шицких владических каритасох Сербиї и зоз владиками.