КОЦУР – Вчера у коцурским Оддзелєню вербаскей Библиотеки отримана годзина поезиї, односно стретнуце коцурских школярох з ОШ „Братство-єдинство” з познатим писательом за дзеци Тодетом Николетичом з Червинки.
Друженє було интерактивне‚ бо дзеци дзечнє прилапели вше интересантни Николетичово писнї, а попри тим, писатель дзецом указал и даскельо мадїоничарски кумшти, цо школяром було окреме интересантне.
Друженє було у рамикох означованя Дзецинского тижня, як привит першокласнїкох до Библиотеки, хтора им з тей нагоди подаровала безплатне членство.
Стретнуце орґанизовала вербаска Библиотека „Данило Киш”, на чолє з главним редактором часопису „Шлїд” Браниславом Зубовичом и библиотекаром задлуженим за орґанизованє таких подїйох.