РУСКИ КЕРЕСТУР – Млади зоз Руского Керестура, котри ше зявюю у проєкту „Сту(π)денти” – Себастиян Няради, Андрей Орос, Иван Емейди, вєдно зоз специялнима госцами Адриану Надь и Александром Парчетичом, зняли треци видео з назву „Упознаванє”.
Видео гумористичного характеру и на специфични способ приказує як ше млади знаходза кед приду на школованє до Нового Саду.
Автор и сценариста тексту Себастиян Няради, а знїматель, монтажер и режисер „Упознаваня” Сашо Палєнкаш.
То треци видео котри зняла тота ґрупа младих. Перши два були вязани за манифестацию „Днї керестурскей паприґи”, а тот треци обявени концом децембра, як перша епизода, цо суґерує же буду обявени и други предлуженя. Шицки три видеа мож одпатриц на їх ютюбу каналу на тим линку.