НОВИ САД – Коло 200 студенти Универзитету у Новим Садзе вовторок, 18. октобра, у Кампусу Универзитету протестовали процив додатних трошкох студираня, чийо наплацованє нє по закону. До додатних трошкох спадаю овера семестру, приявйованє испитох, та розгварка з ректором.
Як пише 021, пред двома роками формована Роботна ґрупа Универзитету у Новим Садзе чий задаток бул спатриц можлївосци утаргованя додатних трошкох, цо препоручел и тедишнї министер просвити Срдян Вербич. Тота ґрупа мешацами робела на акту по хторим би були утаргнути шицки додатни трошки за студентох, алє ше дотераз нїч нє пременєло.
Ище теди Министерство просвити сообщело же наплацованє додатних трошкох нє у складзе зоз законом, медзитим, дотераз анї єден факултет нє одвитовал за додатне наплацованє.