Суботичанє ше здогадли и на наших предкох

автор анамария лендєр/ядю
1k Опатрене

СУБОТИЦА – Тогорочне означованє Националного швета Руснацох, з оглядом же нє маю свойо просториї, Суботичанє отримали у Ресторану „Спартак” з преподаваньом на тему „Велька народна скупштина у Новим Садзе и Йован Хранилович, предняк бачванских Руснацох”.

На самим початку, нова предсидателька Дружтва Руснацох Суботици Єлена Сивч Велянович привитала присутних госцох – спред Националного совиту Руснацох Желька Ковача, представнїкох Асоцияциї националних заєднїцох Суботици, як и членох вецей националних меншинох котри творя у Суботици.

Ясмина Варґа Пеячки вигварела шветочну писню „Браца Русини”, док Мирта Иштванович пречитала биоґрафию кустоса-историчара Зорана Веляновича котри бешедовал о тим як зволана Велька народна скупштина у Новим Садзе. Велянович векшу увагу пошвецел грекокатолїцкому священїкови, публицистови и културному роботнїкови того часу Йованови Храниловичови, як сам гварел, преднякови бачванских Руснацох.

ПОВЯЗАНИ ТЕКСТИ