ШИД – Предсидатель Општини Шид Предраґ Вукович оценєл же за 120 днї власци досц того поробене.
Зоз инвеститорами з Италиї догварена продукция обуї. Роботу у першей фази достанє коло 400, а познєйше ище коло 500 роботнїки. Од Покраїнскей влади достата потримовка за реализацию важних општинских проєктох медзи котрима и индустрийна зона. Принєшени и заключеня о шпорованю и хаснованю службених автох, мобилних телефонох и репрезентациї.
Як гварене, зоз Заводом за културу войводянских Руснацох окончена важна розгварка о културним сотруднїцтве и векшей заступеносци Руснацох у активносцох у општини.