РУСКИ КЕРЕСТУР – У канцелариї Рускей матки, нєшка на 19 годзин, будзе отримана схадзка єй Управного одбору, а на дньовим шоре пейц точки о актуалних активносцох.
Єдна з нїх будзе догварка о утвердзованю лауреатох тогорочного припознаня под меном Юлияна Надя, потим информация о статусу младежскей орґанизациї Форум младих РМ и догварка о пририхтованю вимоги компетентним за порушованє поступку за оспособйованє просторийох за Ґалерию подобових роботох у Руским Керестуре.
На дньовим шоре УО буду и други точки о наступних активносцох у месним, городским и реґионалним одборе Рускей матки.