ШИД – Одборнїки Скупштини општини Шид (СО) на вчерайшей схадки прилапели Рочну програму защити, ушореня и хаснованя польопривреднейе жеми за 2015. рок, а согласносц на ню ма дац и ресорне министерство.
Прилапени и програми роботи Народней библиотеки „Симеон Пищевич”, Музею наївней уметносци „Илиянум” и Ґалериї малюнкох „Сава Шуамнович”, установи култури од националного значеня.
На схадзки розпатрани и Звит о трошкох Предшколскей установи „Єлица Станивукович-Шиля” за 2014. рок и Програму роботи за 2015. рок
СО з актуалнима предписанями усоглашела питаня з обласци здравства, як и материялней помоци дзецом, школяром и студентом и принєсла Одлуку о анґажованю екстерного ревизора.
Одлуки хтори усоглашени з розказом Державней ревизорскей институциї одноша ше на гашенє буджетного Фонду за поднїмательох и дакедишнього Фонду солидарносци за квартельну вибудов.
На вчерайшей схадзки и три улїци у населєню „Восток” достали нови мена, як и Площа и населеню Ґ-2.
