Театрална лакотка дзецом за конєц Мемориялу

автор маф
1.1k Опатрене

РУСКИ КЕРЕСТУР – Наймладша публика остатнього дня Драмского меморялу Петра Ризнича Дядї всоботу, 25 априла пополадню мала нагоду уживац у правей теалтралней лакотки – представи „Пан Кеби”, хтору виведли ґлумци професийного русинского Театру Александра Духновича з Пряшова, зоз Словацкей. „Пан Кеби” написали Хелена Бендова и Миро Хорват, а режирал Марцел Шкрконь.

Пейцчлени ґлумецки ансамбл, як три кловни и пара хлапец и дзивче, на дзецом блїзки способ, динамично, з приповедку, рухами, пантомиму, танцом и шпиваньом презентовали дзецом важни поуки – як ше треба учиц, прикладно и чесно ше справовац и подобне.

Одличним ґлумцом ше удало витвориц и барз добри контакт з публику, уключиц ю до представи и анимировац, так же достали вельки аплаузи. Аж на концу представи ґлумци почасцели публику и з бомбонами, а шицко ше закончело на бини зоз спонтаним фотоґрафованьом добрей часци патрачох з ґлумцами з Пряшова.

ПОВЯЗАНИ ТЕКСТИ