РУСКИ КЕРЕСТУР – На соботу, 20. фебруара, у Руским Керестуре будзе отримана премиєра представи „Цо видзела послуга” Джона Ортона, у режиї Владимира Надя Ачима, а у продукциї Руского народного театру (РНТ) „Петро Ризнич Дядя”. Премиєра мала буц 31. януара, алє була одложена пре хороту єдного ґлумца.
Премиєра представи нашого националного театру 20. фебруара будзе у Велькей сали Дому култури на 19,30 годзин, а з РНТ надпоминаю же важа поволанки за перши датум премиєри.
Тот 25. проєкт РНТ „Петро Ризнич Дядя” витворени з финансийну потримовку снователя Театру – Националного совиту Руснацох.