РУСКИ КЕРЕСТУР – У рамикох „Тижню парламентаризму“ школяре Штреднєй школи „Петро Кузмяк“ у Руским Керестуре на ютре буду симулировац схадзку Скупштини Републики Сербиї, дзе у улогох народних посланїкох буду запровадзовац законодавни поступок.
Симулованє схадзки Народней скупштини едукативна програма хтору запровадзує Служба Народней скупштини, Ґрупа за едукованє и презентованє скупштинского скарбу, а програма будзе конципована так же школяре буду робиц у посланїцких ґрупох, на схадзкох одборох, буду бешедовац у парламенту, писац амандмани и гласац.
„Тидзень парламентаризму“ тирва од 7. по 13. новембер, а през рижни збуваня и активносци по цалей Сербиї будзе промовована бешеда о парламентарней демократиї и участвованє гражданох у демократских процесох.