Тимеа Будински шеста у Сербиї

автор зам;фото: сал
1.3k Опатрене

ВАЛЄВО – На Републичней смотри рецитаторох, хтора вчера отримана у Валєве, Тимеа Будински з Руского Керестура з рецитацию по руски освоєла шесте место у старшим возросту.

У каждей катеґориї (младшим, штреднїм и старшим возросту) ше змагали по 35 рецитаторе з цалей Сербиї, а з рецитациями по руски на Републичней смотри участвовали и Ребека Семан з Руского Керестура у младшим, и Валентина Салаґ з Дюрдьова у штреднїм возросту. Пририхтали их Ивана Дудаш у керестурским Доме култури и Яким Гарди у дюрдьовским КУД „Тарас Шевченко”.

З кулскей општини на Републичней смотри участвовали аж седмеро рецитаторе у трох возростох, а Биляна Митрич з Кули у младшим возросту освоєла штварте место и похвалу.

У штреднїм возросту на Смотри участвовали Лїляна Кнежевич з Кули и Владица Кляїч з Червинки, а у старшим возросту Неманя Ковиянич и Стефан Ковиянич, обидвоме з Кули.

ПОВЯЗАНИ ТЕКСТИ