ШИД – Комисия за додзельованє стипендийох Општини Шид росписала Конкурс за додзельованє стипендийох за школски 2016/17. рок за порядних студентох високошколских установох, од першого по остатнї рок студийох.
Конкуровац можу студенти з пребуваньом на териториї шидскей општини, котри дотераз нє обнавяли рок студийох и маю штредню оцену 8,00 и висши, односно 4,50 у штреднєй школи за студентох першого року.
Критерий за додзельованє стипендиї успих у студираню, односно успих у штреднєй школи за бруцошох, як и уписани рок студийох. Винос стипендийох будзе утвердзени познєйше.
Конкурс отворени 24. октобра и тирва 15 днї, а деталньо го мож видзиц на сайту Општини Шид – www.sid.rs.