Тирва крачунско-новорочни попуст на шицки кнїжки „Руского слова”

автор б. варґа
577 Опатрене

НОВИ САД – Крачунско-новорочни попуст, котри виноши 30 одсто на шицки кнїжки НВУ „Руске слово”, тирва, як цо уж скорей обявене, по 31 децембер того року.

Кнїжки по вигодней цени мож купиц прейґ колпортерох по наших местох, у представительствох НВУ „Руске слово” (у Новим Садзе у будинку „Дньовнїк” на Булевару ошлєбодзеня 81, на 7. поверху и на телефон 021/6613 697; у Руским Керестуре у будинку дакедишнєй Друкарнї на 2. поверху и на телефон 025/703 311).

Кнїжки „Руского слова” мож тиж наручиц и прейґ нашого сайту.

У понуканю тогорочна продукция, медзи котрима штири кнїжки за дзеци (Ирина Гарди Ковачевич „За главки у лавки”, Юлиян Тамаш „Їжик голик”, Силвестер Макаї „Боси по праху” и сликовнїца „Як ше тройо прашатка рихтали за жиму” Любици Фа Гарди), поезиї Славка Романа Ронду „Одняти од псох”, други том Дюри Латяка „Руснаци” и Зборнїк литератури младих 2010-2020 „Гумно 2: Дзеци з дружтвених мрежох”.

ПОВЯЗАНИ ТЕКСТИ