ОРАХОВИЦА (ГОРВАТСКА) – У Ораховици, у одпочивалїщу „Меркур” Червеного крижу, внєдзелю, 3. юлия почала Лєтна школа Русинох Републики Горватскей (РГ) за младши возрост. Перша часц Школи тирва по 10. юлий, кеди почнє Лєтня школа за школярох старшого возросту, котри у Ораховици буду по 17. юлий.
У младшей ґрупи у Лєтнєй школи тераз коло 80-еро дзеци од першей по седму класу ОШ з Петровцох, Миклошевцох, Вуковару, Осиєку, Винковцох, Старих и Нових Янковцох, Пишкуревцох, Райового Села, Ґунї и Чаковцох. О дзецох ше стараю 5 особи, котри источашнє преподаваю мацерински язик, историю, ґеоґрафию, етноґрафию, музику и фолклор, а волонтере Червеного крижу помагаю коло анимированя на базану и у розваги у шлєбодним чаше.
Ведуци Лєтней школи проф. Звонко Костелник, котри источашнє преподава фолклор, а преподаваю и просвитни роботнїки Леся Мудри, Мануела Дудаш, Андреа Маґоч и Мария Блотней.
Закончуюца програма першей ґрупи будзе на нєдзелю, 10. юлия, после хторей будзе змена школярох.
Лєтню школу ше отримує з финансийну потримовку Министерства науки, образованя и спорту РГ.