СЕРБИЯ – У Сербиї вєшенї жито пошате на 580 000 гектарох, а обчекує ше же тогорочни род будзе лєпши як влонї, односно же будзе натлачене коло 2,4 милиони тони. Директор Здруженя „Жита Сербиї“ Вукосав Сакович за Танюґ гварел же того року вироятно будзе и висша цена.
Сакович гварел же урожаї и квалитет тиж буду лєпши як влонї. Понеже Сербиї потребни 1,5 милиони тони жита, на залихи єст 350 000 тони, та годно вивесц коло 1,3 милиони тони жита.
Понеже ище вше початок жатви, цена жита на тарґовищу розлична, алє углавним то дацо вецей од 17 динари за килограм, з ПДВ. Цена тарґованя медзи правнима особами ище вше нє формована, будзе позната по змесцованю жита до силосох, а будзе завишиц и од цени на медзинародним тарґовищу.