КОЦУР – На пияток у Коцуре почина Шеста Акция младих „Дай и ти свою руку”, на хтору ше приявели 130 млади. Акция будзе тирвац три днї, а орґанизатор Коцурске здруженє младих (КУМ – Куцурско удружење младих).
Приход акцияшох до Коцура будзе на пияток пополадню, сход у порти грекокатолїцкей церкви, а отверанє Акциї будзе на 19 годзин. По отвераню планована заєднїцка вечера и журка з музику, на лєтнєй бини.
На соботу дополадня по цалим валалє будзе роботна часц Акциї, а пополадню буду орґанизовани креативни роботнї, турнири и вирска програма.
Акция „Дай и ти свою руку” на нєдзелю будзе закончена после друженя учашнїкох у природи. 