КРУЩИЧ – Того викенду, 11. и 12. юния, у Крущичу будзе отримана манифестация „Днї валалу – днї жита”, хтору седми раз орґанизує Месна заєднїца Крущич.
Манифестация ютре (на 7,30 г.) почнє з Општинским змаганьом вожачох, хторе отворене за шицких заинтересованих, а на 9,30 г. опрез МЗ почнє предавацка вистава женскей творчосци на хторей, попри домашнього Здруженя „Вредни руки”, участвую и здруженя з других местох кулскей општини, медзи нїма и „Байка” з Руского Керестура.
У Малей сали МЗ Крущич буду орґанизовани преподаваня за польопривреднїкох о продукциї малини, алє и о осиґураню шацох и стимулох з боку державних орґанох, о чим будзе бешедовац дипл. економиста Владимир Варґа з Керестура.
У Велькей сали Дому култури на 13,30 г. будзе шветочна културно-уметнїцка програма, плановани и спортски змаганя, а на 15,30 г. предвидзена деґустация паприґашу центре места.
На нєдзелю на програми вецей змаганю – голубкарох, рибарох, фодбалерох, каратистох, у одбойки на писку, як змаганє у вареню рибового паприґашу.